Казакстандыктар азербайжандыктарды үйүнө узатып жаткан сүрөттөрдү Tengrinews.kz басылмасы Телеграм-каналында жарыялады. Авиакырсыктан аман калган Азербайжандын 14 жаранын алып кетүүгө 20 кишиден турган делегация келген. 25-декабрда Казакстандын Актау шаарында Бакудан Грозныйга учуп бараткан учак кулаган. Azerbaijan Airlines авиа компаниясынын Embraer 190 учагында 67 адам болгон. Алардын арасында 5 экипаж мүчөсү, Казакстандын 6, Азербайжандын 37, Орусиянын 16, Кыргызстандын 3 жараны болгон. Үч Кыргыз жараны аман калган.