Казакстанда поезд менен жүргүнчүлөрү бар автобус сүзүштү
Атырауда поезд жүргүнчүлөрдү ташыган автобусту сүзүп кеткенин "Мой город" басылмасы жазды.
Кырсык 11-июль күнү саат 14:00дөр чамасында болгон. Рауан көчөсүндөгү темир жол кесилишинде №2-маршруттук автобус менен поезд сүзүшкөн.
Атырау облустук ички иштер башкармалыгынын басма сөз кызматы автобустун айдоочусу жолду туура эмес жерден кесип өткөнүн билдирди. Автобустун жүргүнчүлөрүнүн абалы канааттандырарлык экени айтылууда.
