Кыргыз Республикасынын Куралдуу Күчтөрүнүн Башкы штабынын Уюштуруу-мобилизациялык башкы башкармалыгынын аскерге чакыруу бөлүмүнүн башчысы Мырзабек Алымбаев маалымат жыйынында аскерге чакырылгандардын жашоо-шарты тууралуу айтып берди.

Анын айтымында, бүгүнкү күндө Куралдуу күчтөрдүн бардык орто бөлүктөрүндө аскер кызматкерлери үчүн бардык шарттар түзүлгөн. «Эки жыл мурун биз тогузунчу диеталык нормага өткөнбүз - күн сайын сыр, колбаса. Биз үйдө андай жебейбиз. Казармаларда, аскер бөлүктөрүндө камералар орнотулуп, мектеп окуучулары үчүн ачык эшиктер күнү уюштурулуп, ата-энелер да келип, балдары кандай шартта кызмат өтөп жатканын көрүп жатышат», - деди Мырзабек Алымбаев.