"Ош базарындагы" мыйзамсыз соода кылган жайлар тазаланды
Ленин райондук акимчилиги "Ош базарынын" аймагында жана ага чектеш көчөлөрдө мыйзамсыз сооданы жоюу иштерин улантууда. Бул тууралуу мэриядан билдиришти.
«Ош базары» соода борборунун айланасы - Киев, Бейшеналиева, Кулиев, Токтогул көчөлөрү тазаланды.
Рейддин жүрүшүндө жол кайгуул кызматы тарабынан мыйзамсыз соода кылган 1 унаа, 18ден ашык жеңилдетилген типтеги объектилер – кол арабалар, мамылар, кол чатырлар, столдор алынды. Ошондой эле, стихиялуу соода менен алектенген жарандарга карата "Укук бузуулар жөнүндө" кодексинин 179-берененин 1-бөлүгүнө жана 434-беренесине ылайык протоколдор түзүлдү. Бул багыттагы иштер күн сайын жүргүзүлөт.
[gallery link="file" columns="1" size="full" jnewsslider="true" ids="181924,181925,181926"]
