"Мындай адамдын жашоого укугу жок". 19 жаштагы кызды өлтүрүүгө шектүүнүн көчүп кетүүсүн, үйүн сүрдүртүүнү талап кылышты
Кечээ, 21-ноябрда Сузак районунун Сасык-Булак айылында 19 жаштагы кызды өлтүрүүгө шектелген жарандын үйүнө айыл тургундары барышып, шектүүнүн үй-бүлөсүнүн көчүп кетүүсүн талап кылышты.
Маркумдун таякеси сүйлөп жатып, үйүн сүрдүрүү керектигин да айтты. "Мындай адамдардын жашаганга укугу жок. Үйүн сүрдүртүп, тегиздеп койсун. Бул үйдү жок кылгыла", - деди ал. Алар ошондой эле Бишкек-Ош жолун тосуу аракетин кылышты. Жолду 5-10 мүнөттөн кийин кайра ачышты. "Мага окшогон энелер кыйналбасын. Мен Садыр Жапаров менен Камчыбек Ташиевге кайрылам", - деди кыздын апасы.
Айыл тургундары да кооптонуп жатышканын айтып, өмүр бою эркинен ажыратылышын талап кылышты.
- Милицияга Масы айылындагы Алаш сайында кыз кишинин жансыз денеси жаткандыгы кабарланган" target="_blank">https://serep.kg/kabarlar/koom/nookende-kutkaruuchular-ayaldyn-jansyz-denesin-suudan-tabyshty/">кабарланган. Алдын ала текшерүү иштери учурунда кыз киши колдуу болгондугу, маркум Базар-Коргон районунун 19 жаштагы тургуну экени аныкталып, Жазык кодексинин 122-беренесинин негизинде (адам өлтүрүү) кылмыш иши козголгон. Кылмышка шектелип, буга чейин зордуктоо жана башка беренелер менен бир нече жолу соттолгон, акыркы жолу 2021-жылы баңгизатка байланыштуу кылмыш жоопкерчилигине тартылган Сузак районунун тургуну, 1964-жылы туулган жаран кармалган.
