"Эмнеге орозону 30 эмес, 29 күн кармайбыз?". Муфтияттан жооп беришти
"Жыл сайын Орозо айынын аяк ченинде “орозо 30 күн гана болушу керек” деген талаш-тартыштар күчөп, ортодо элдин башын айлантышат". Бул тууралуу Муфтияттан билдиришти.
"Ай кээде 29 күн болсо, кээде 30 күн болот. Рамазан айы деле ушундай, кээде 29 күн, кээде 30 күн болот. Элибизде Рамазан ай 29 күн болсо “Ата бабаларыбыз кылбаган нерсени кылып жатасыңар, ушул күнгө чейин эч качан 29 күн орозо кармалган эмес, кайдагы бидъатты чыгарасыңар” деп ызы-чуу салуу, нааразы болуу көрүнүштөрү байкалып жүрөт. "Эмне үчүн 29 күн кармайбыз, 30 күн эмес?” деп чуу салуунун кереги жок. Рамазан айы кээде (көп учурда) 29 күн, кээде (аз учурда) 30 күн болуусу табигый көрүнүш", - дешти.
