Кыргыз чек арачылары Өзбек жаранынын өрттөнүп жаткан сарайын өчүрүүгө жардам беришти
Кыргызстандын чек арачылары Өзбекстандын жарандарына жардам көрсөтүштү. Бул тууралуу Чек ара кызматынан билдиришти.
Маалыматка караганда, 20-январда Өзбекстандын аймагында Ала-Бука районунун Ак-Там конушунун тушундагы мамлекеттик чек ара сызыгына жакын жерде Өзбек жаранына таандык мал сарай өрттөнгөн. Өзбекстандын чек ара айылынын тургундарына суу жетпей калгандыктан Ала-Бука чек ара отрядынын чек арачылары тосмодон ары Кыргызстандын аймагына сууга чыгууга уруксат беришкен. Өз убагында көрсөтүлгөн жардамдын аркасында өрт тез арада өчүрүлгөн.
[gallery link="file" columns="1" size="full" jnewsslider="true" ids="159995,159996,159997"]
