"Кафеде идиш жууп иштеп жүргөн". Чүйдө дайынсыз болуп жаткан кыз табылды
Буга чейин дайынсыз болуп, изделип жаткан кыз табылды. Бул тууралуу Чүй ОИИБден билдиришти.
26-январда милицияга кыздын атасы кайрылып, анын 20 жаштагы кызы дайынсыз болуп жатканын билдирген. Аталган арыз боюнча издөө иштери башталган.
Кечээ, 9-февралда саат 21:30 чамасында кыз Бишкек шаарындагы кафелердин биринде табылган. Ал кафеде идиш жууп иштеп жаткан. Профилактикалык иш жүргүзүлгөн соң, ата-энесине өткөрүп берилген.
