Эмделбеген балдардын мектепке жана бала бакчага кирбей калуу коркунучу бар
Эмдөөдөн өтпөгөн балдар мектепке жана бала бакчага киргизилбеши мүмкүн экенин Мамлекеттик санитардык-эпидемиологиялык көзөмөлдөө борборунун эмдөө бөлүмүнүн башчысы Бурул Асыкбекова билдирди.
2023-жылы кызамыктан улам айрым мектептер жана бала бакчалар жабылган учурлар катталган. 2024-жылы мындай учурлар азырынча каттала элек.
«Эгер эмдөөдөн өтпөгөн балдарды киргизбей коюуга укугубуз бар. Саламаттыкты сактоо министрлиги жана Мамлекеттик санитардык-эпидемиологиялык көзөмөл тарабынан санитардык эрежелерди камтыган документтер берилген. Демек, эгерде мекемеде кызамык оорусу катталса, эмделбеген балдарды киргизбей коюуга укугубуз бар», - деп белгиледи ал.
