Бишкектеги бала бакчада эркек кишинин күйүп калган жансыз денеси табылды
Бишкектеги бала бакчада күйүп калган эркек кишинин жансыз денеси табылды. Бул тууралуу Октябрь РИИБден билдиришти.
Маалыматка караганда, 7-январда саат 10:00 чамасында Бишкек ШИИБдин "102" кызматына бишкектеги 11-кичи районундагы бала бакчада эркек кишинин күйүп калган жансыз денеси табылганы тууралуу маалымат түшкөн.
Жерине барган милиция маркумдун 1971-жылы туулгандыгын аныктаган. Ал бала бакчада күзөтчү болуп иштеген. Денесинде криминалдык тактар байкалган эмес.
