Бишкекте эркек киши үй менен гараждын ортосуна кыпчылып калган
Бишкектеги куткаруучуларга Репин көчөсүндө жайгашкан турак үйдүн дубалы менен гараждын дубалын ортосунда эркек киши кыпчылып, чыга албай калгандыгы тууралуу маалымат түшкөн. Бул тууралуу ӨКМден билдиришти.
Ал жерге куткаруучулар тартылып, эс-учун жоготкон, 60-65 жаштагы эркек кишини чыгарып, Тез жардам кызматкерлерине өткөрүп беришти.
