Баткенде Кыргызстан менен Тажикстандын милиция кызматкерлери сүйлөшүп, кыргыз тарап тажик тарапка кирип кеткен жылкыны кайтарып алды. Бул тууралуу ИИМден билдиришти. 23-мартта түнкү саат 02:00 чамасында Кара-Бак айыл аймагынын 37 жаштагы тургунун 8 жашар жылкысы байланып турган жеринен бошонуп кетип, коңшулаш Тажикстандын Лаккан айыл аймагына кирип кеткен. Эки өлкөнүн милиция кызматкерлери сүйлөшүүлөрдүн негизинде 6-апрель күнү кыргыз тараптын тажик тарапка өтүп кеткен жылкысы кайтарылып, өз ээсине тапшырылды. Милиция кызматкерлери чек ара аймактарында эки элдин ортосунда ар кандай пикир келишпестиктин жана улуттар аралык чыр-чатактардын алдын алуу, чек ара тилкелеринде жашаган тургундарга мал жандыктарына сак болуусун эскертип, коомдук коопсуздукту көзөмөлдөөнү колго алган. [gallery link="file" columns="1" size="full" jnewsslider="true" ids="173476,173475,173474"]