Баткенде окуучуну сабаган мугалим дагы 7 окуучуга кол көтөргөнү маалымдалды
Кызыл-Кыяда окуучуну сабаган кыргыз-түрк “Сапат” лицейинин мугалими андан башка дагы 7 окуучуга кол көтөргөн. Бул тууралуу билим берүү жана илим министринин орун басары Муратбек Касымалиев Жогорку Кеңештин Социалдык саясат боюнча комитетинин 29-январдагы жыйынында билдирди.
Анын айтымында, 23-январда окуя боюнча комиссия түзүлүп, ал комиссия 2 күн иш алып барган. Орун басар жыйынтыгын жыйында окуду. “Окуучулардын арасында психологиялык тест жүргүздүк. Анын жыйынтыгында жеке эле бир бала эмес, дагы жети окуучу ошол мугалимден жабыркаган экен”, — деди ал.
Анын айтымында, жабыркагандар - 10-класстын окуучулары.
- Социалдык тармактарда Кызыл-Кыядагы кыргыз-түрк «Сапат» билим берүү лицейинде мугалим окуучуну уруп жаткан видео тараган. “Сапат” эл аралык билим берүү мекемеси маалымат таратып, жетекчилик жабыр тарткан окуучулар менен алардын ата-энесинен кечирим сурады." target="_blank">https://serep.kg/kabarlar/koom/batkendegi-liczeide-sabalgan-okuuchu-mugalim-menen-direktordun-orun-basary-jumushtan-ketti/">сурады. Окуя боюнча Баткен ОИИБден маалымат беришип, мугалимдин камакка алынганын билдиришкен. " target="_blank">https://serep.kg/kabarlar/kylmysh-kyrsyktar/batkende-okuuchunu-sabagan-mugalim-kamakka-alynyp-emne-ychyn-myndai-ishke-bargany-maalym-boldu/">билдиришкен.
