Баткенде үйүнөн чыгып кеткен бойдон кайтып барбаган 14 жаштагы Аяна изделип жатат. Бул тууралуу ИИМден билдиришти. Жергиликтүү милиция бөлүмүнө жаран кайрылып, ал 30-январь күнү саат 11:00 чамасында кызы 2009-жылы туулган Аяна Жээнбаева өзү жашаган үйдөн чыгып кеткен бойдон кайтып барбаганын билдирип, аны издөөгө көмөктөшүүнү суранган. Белгилери: ак жүздүү, арык чырай, кашы, көзү кара түстө, чачы күрөң, бою 145-150 сантиметр. Психикалык жактан жабыркабайт. Үйдөн кандай кийимде чыгып кеткендиги белгисиз. Эгерде сүрөттөгү кызды көрүп билгендер болсо, Баткен РИИБге кабарлап коюуну суранышат. Байланыш номурлар: (03622) 102, 5-17-56, 0774-77-86-88, 0552-00-22-74.