"Баламды осьминог дешсе, оор тиет" дейт уулу айнек сөөк оорусунан жабыркаган эне
Биздин бул жолку каарманыбыз 34 жаштагы эне. Анын 8 жаштагы уулу Анарбек тубаса айнек сөөк оорусу менен жабыркайт. Жалгыз бой эне жолдошу мындан бир топ жыл мурда поездге тебеленип, каза болгонун айтат.
"Уулум учурда 8 жашта. Элдер осьминог дешет. Башында айнек сөөк оорусун да кабыл албай жүрдүм. Азыр кабыл алып, операция кылдырып жүрдүм. 5 жолу операция болду. Кайра эле сөөктөрү ийилип кетип жатат. Дагы операция кылганга болбойт экен. Инфекция кирип кетиши мүмкүн дешти. Башка өлкөдө операция кылышы керек экен. Түркияда 16 500 доллар экен. 3 ай сайын Орусиядан дары алдырабыз",- деди ал.
