Аравандагы мектеп-интернаттын абалы (сүрөттөр)
Араван районундагы мектеп-интернаттын окуучуларынын турмуш-тиричилик шарттары канааттандырарлык эмес. Бул тууралуу Кыйноолорду алдын алуу борборунан билдиришти.
14-февралда Улуттук борбор тарабынан Араван районундагы Тургунов атындагы мектеп-интернатына алдын ала баруунун жүрүшүндө балдар интернаттарына тиешелүү мамлекеттик стандарттардын жана ченемдердин талаптары одоно түрдө бузулгандыгы аныкталган.
https://static.xx.fbcdn.net/images/emoji.php/v9/t1a/1.5/16/1f50d.png" alt="?" width="16" height="16" /> Азык-түлүк коопсуздугу:
• Идиш-аяк жана эмерек жаңыланууга муктаж.
• Тамак-аш даярдоонун сапатын эсепке алуучу жана көзөмөлдөөчү журналы жок.
• Азык-түлүктөрдү сактоо эрежелери сакталбайт (жашылчалар жерде сакталат, бузулган жашылчалар өз убагында сорттолбойт).
• Мөөнөтү өтүп кеткен тамак-аш азыктары аныкталган (11 колбасанын жарактуулук мөөнөтү өтүп кеткен).
https://static.xx.fbcdn.net/images/emoji.php/v9/t1a/1.5/16/1f50d.png" alt="?" width="16" height="16" /> Жашоо шарттары:
• 4-6-класстын кыздары үчүн эки уктоочу бөлмөдө жайгаштыруунун белгиленген санитардык ченемдерин бузуу аныкталган (бир окуучуга аянты 4 чарчы метрден кем эмес болушу керек). Биринчи бөлмөдө бул көрсөткүч 1,59 чарчы метрди, ал эми экинчисинде 2,72 чарчы метрди түзгөн.
• Дааратканадагы жана мончодогу антисанитардык абал. Даараткананын эшиктери ичинен жабылбайт. Гигиеналык каражаттар (туалет кагазы, кумура, суу) жок. Туалеттин жанында кол жууган жер жок.
• Сырттагы ажаткананын аянты азыркы балдардын санына (405 окуучу) туура келбейт.
• Уктоочу бөлмөлөрдө шкафтар жана тумбочкалар жок.
• Бир окуучунун керебетинде матрац болгон эмес.
https://static.xx.fbcdn.net/images/emoji.php/v9/t1a/1.5/16/1f50d.png" alt="?" width="16" height="16" /> Медициналык камсыздоо:
• Медициналык кабинетте аптечка жок.
• Бардык эле журналдар жана китептер жеткиликтүү эмес.
• Дары-дармектер жетишсиз санда, алардын ичинен жарактуулук мөөнөтү өтүп кеткендери аныкталган.
• Кеңседе суу жок, тумбочкасы бар кол жуугуч колдонулат.
"Мекемеде кармоо шарттары балдардын укуктарын одоно бузуп жатат. Алдын ала баруунун жыйынтыгы менен акт түзүлүп, мектеп-интернаттын жетекчилигине өткөрүлүп берилди. Жетекчиликтин айтымында, бир жуманын ичинде бардык мыйзам бузуулар оңдолот", - деп айтылат маалыматта.
[gallery link="file" columns="1" size="full" jnewsslider="true" ids="229461,229462,229463,229464,229465,229466"]
