Чүй облусунун Аламүдүн капчыгайында дайынсыз жоголгон 28 жаштагы жигитти издөө ишине чыккандардын саны саат 15:00гө карата 358 адамга жетти. Бул тууралуу ӨКМден билдиришти. Алардын 187си Өзгөчө кырдаалдар министрлигинин куткаруучулары, Инсараг тобунун 5 куткаруучусу, 27 ыктыярчы, 139 ИИМдин кызматкерлери. Куткаруучулардын курамында 5 кинолог бар. Издөөчүлөр ӨКМдин 11 дрону, Инсараг тобунан 4 дрон, ыктыярчылардан 3 жалпы 18 дрон менен иш алып барууда. Мындан тышкары жалпы 20 техника, анын ичинен 17си ӨКМдики. 16-январь күнү ӨКМге түшкөн маалыматтын негизинде, 14-январдан бери Аламүдүн капчыгайында дайынсыз жоголгон 1996-жылы туулган М. уулу М. аттуу жаранды издөө иши министр, генерал-майор Бообек Ажикеевдин жеке көзөмөлүндө жүрүүдө. [gallery link="file" columns="1" size="full" jnewsslider="true" ids="223960,223961,223962,223963"]