"Акыркы жолу "Ош базардан" көрүшкөн". 37 жаштагы жаран апрелден бери дайынсыз
Бишкекте 37 жаштагы Эркинбеков Мирзат Шайырбекович изделип жатат. Бул тууралуу Ленин РИИБден билдиришти.
1-майда милицияга анын агасы кайрылып, Мирзат Эркинбековдун 2022-жылдын 27-апрелинен бери дайынсыз болуп жатканын айткан. Ал Ысык-Көл облусундагы үйүнөн чыккан бойдон кайтып берган эмес. Акыркы жолу аны "Ош базарынын" аймагынан телефон сатып жүргөндө көрүшкөн.
Белгилери: бою 170-175 сантиметр, орто дене түзүлүштө, көзү күрөң. Аба ырайына жараша кийинип жүргөн.
Сүрөттөгү жаранды көргөндөр болсо, 0(312) 352-605, 0(553) 102-465, 0(703) 401- 600, 0(705) 450-553, 0(553) 102-880 номурларына чалсаңыздар болот.
