20 жаштагы Медетбек Абдумалик уулу кесиптешин куткарууга аракет кылып жатып каза болгон
Прапорщик Медетбек Абдумалик уулу 16-сентябрда Тажикстандын Кыргызстанга кол салуу учурунда каза болгон.
20 жаштагы Медетбек Абдумалик уулу Жаңы-Жер чек ара кошуунунда фельдшер болуп иштеген. «16-сентябрда Тажикстан басып киргенде мойнунан жарадар болгон. Медет жараатты кадимки ийне жана жип менен тигип, кайра кызматка киришти. Ага коопсуз жерге баруу буйругу берилген. Бирок Медет кызматтан кетпей, бир кесиптешинин жараатын көрүп, аны согуш талаасынан алып чыгууну чечет. Бирок аткылоодон улам кете албай калышкан", - дешет жакындары.
