Таранчыларды кармоо учурунда видеого тартылган чет элдик жаран кармалды
Социалдык тармактарда чет элдик жаран канаттууларды кармап жатканы тартылган видео боюнча ички иштер органдарынын кызматкерлери тарабынан ыкчам-издөө иш-чаралары жүргүзүлгөн.
Жүргүзүлгөн иш-чаралардын натыйжасында видеодо тартылган чет элдик жаран аныкталып, кармалган. Ал Ак-Талаа райондук ички иштер бөлүмүнө жеткирилген. Учурда тергөөгө чейинки иш-чаралар жүргүзүлүп, окуянын бардык жагдайлары такталууда. Текшерүүнүн жыйынтыгы менен ыйгарым укуктуу мамлекеттик органдар менен биргеликте чет элдик жарандын аракеттерине Кыргыз Республикасынын мыйзамдарынын талаптарына ылайык укуктук баа берилет.
