Түштүк кореялык BTS тобу Grammy сыйлыгына катышпай турганын билдирди. 69-салтанат 2027-жылдын февраль айына пландалган. Мунун себеби — Азиядан келген катышуучулар үчүн жаңы категориянын киргизилиши болду. Бул тууралуу топтун бардык мүчөлөрү Instagram баракчаларында жазышты.

«Биздин музыка кандай болсо, ошондой угулуп, сүйүлүшүн каалайбыз, аны аймак же тил боюнча бөлбөшүн өтүнөбүз», — деп айтылат билдирүүдө.

Июнь айында Grammy сыйлыгынын уюштуруучулары — Улуттук үн жазуу искусствосу жана илими академиясы (NARAS) — жаңы категория киргизилгенин жарыялашкан: «Азиялык поп-музыканын мыкты аткаруусу». Бул номинацияга Корея, Япония жана Кытайдын поп-аткаруучулары гана (тиешелүүлүгүнө жараша K-pop, J-pop жана C-pop) катышат.

BBC маалымдагандай, топ негизги номинациялар үчүн, анын ичинде «Жылдын альбому» наамы үчүн күрөшөт деп күтүлгөн. Анткени топтун Arirang альбому жылдын эң көп сатылган альбому болгон. Ал эми альбомдогу негизги сингл Swim АКШнын чарттарында биринчи орунду ээлеп, «Жылдын ыры» наамына талапкер болмок.

19-июлда BTS 2026-жылдагы Дүйнө чемпионатынын финалында өнөр көрсөтүп, Dynamite аттуу ырын аткарган.