Александр Крестинин башында турган футбол боюнча Улуттук курама команданын машыктыруучулар штабы 2022-жылы өтө турган Дүйнө чемпиондугунун жана 2023-жылы өтө турган Азия Кубогунун тандоо турларына даярдык көрүү үчүн чакырыла турган футболчулардын тизмесин жарыялады. Бул тууралуу Кыргыз футболдук союзунан билдиришти. Маалыматка ылайык, негизги тизмеге 25 футболчу кирип, дагы 5 оюнчудан турган кошумча тизме даярдалды. Кошумча тизмеге кирген футболчулар зарылчылык болгон учурда улуттук курамага чакырылышы мүмкүн. Футбол боюнча Кыргыз курама командасы 30-майда кыска мөөнөттүү окуу-машыгуу жыйынына чогулуп, 2-июнда Япониянын Осако шаарына учуп кетет. Ал жерде 3 беттеш өтөт. Алдыдагы беттештердин тизмеси: 7-июнь: Кыргыз Республикасы - Монголия, 11-июнь: Мьянма - Кыргыз Республикасы, 15-июнь: Япония - Кыргыз Республикасы. https://serep.kg/wp-content/uploads/2021/05/186450639_3942832272420220_7460832101926375191_n-719x720.jpg" alt="" width="719" height="720" /> https://serep.kg/wp-content/uploads/2021/05/186501700_3942831925753588_7222094160010459735_n-719x720.jpg" alt="" width="719" height="720" />