Азия оюндары-2026: мушкер Ырыскелди Дүйшеев коло медалдын ээси
Японияда өтүп жаткан Азия оюндарынын алкагында ММА боюнча Ырыскелди Дүйшеев коло медаль жеңди. Бул тууралуу Дене тарбия жана спорт агенттигинен маалымдашты.
Ал беттештерди чейрек финалдан баштап, палестиналык Сами Аккавени 3:0 эсебинде жеңген. Бүгүн, 21-сентябрда жарым финалдык беттеште Тажикстандын өкүлү Бехруз Хуршедшоданы жеңген. Бирок беттеш аяктагандан кийин Тажикстан тарап апелляция берген. Кайра түзүлгөн комиссиянын чечимине ылайык, жеңиш Тажикстандын спортсменине ыйгарылып, Кыргызстандын өкүлү үчүнчү орунду ээледи.
