Ошто изделип жаткан келин сейил бактан табылды
Дайынсыз болуп жаткан 2002-жылы туулган келин Ош шаарынан табылды. Бул тууралуу Ош ОИИБден билдиришти.
18-апрель күнү Жаңыбай кызы Албина Ош шаарындагы сейил бактардын биринде жүргөн жеринен Өзгөн райондук ички иштер бөлүмүнө алып келинип, апасына тапшырылган.
13-апрель күнү милицияга Өзгөн районунун 54 жаштагы тургуну арыз менен кайрылган. Анда 4-апрель күнү саат 19:00 чамасында келини 2002-жылы туулган Жаңыбай кызы Албина үйүнөн чыгып кеткен бойдон дайынсыз болуп жаткандыгын билдирген.
