Учурда Улуттук филармонияда Садыр Жапаровдун президенттик кызматка киришүү аземи өтүп жатат.
Иш-чарага мурунку президенттер Роза Отунбаева менен Сооронбай Жээнбеков да келди. Ошондой эле Ош облусунун мурдагы мэри Мелисбек Мырзакматов да залда отурду.
Меймандардын катарында саясатчылар Өмүрбек Бабанов, Кубатбек Боронов, Алманбет Шыкмаматов, Жылдызкан Жолдошева, экс-премьер-министрлер Медеткан Шеримкулов, Турсунбек Чынгышев, экс-генпрокурор Элмурза Сатыбалдиев, мурунку финансы министри Марат Султанов, Жогорку Кеңештин депутаттары Асылбек Жээнбеков, Иса Өмүркулов, Бакыт Төрөбаев, Алтынбек Сулайманов, Аида Касымалиева, Мирлан Бакиров, Айсулуу Мамашова, Бактыбек Жетигенов, Канат Керезбеков, Максат Сабиров, Урмат Самаев, Искендер Гайпкулов, Пархат Тулендыбаев, Жылдыз Мусабекова, Сайдолимжон Жураев, Абдывахап Нурбаев, Кенжебек Бокоев, Жанар Акаев, Аалы Карашев, Улан Примов, Өмүрбек Текебаев, Исхак Пирматов, Исхак Масалиев, Марлен Маматалиев, Каныбек Иманалиев, муфтий Максат Токтомушев, ЖАМКтын мурунку башчысы Мелис Турганбаев, Куралдуу күчтөрдүн мурунку башчысы Райимберди Дуйшенбиев, спортчулар Айсулуу Тыныбекова, машыктыруучусу Нурбек Изабеков, Максат Бегалиев, Дарья Маслова.
Ошондой эле премьер-министрдин жана вице-премьер-министрдин милдетин аткаруучу Артем Новиков, Жогорку Кеңештин төрагасы Талант Мамытов, башкы прокурор Курманкул Зулушев, Каржы полициясынын башчысы Сыймык Жапыкеев, УКМКнын башчысы Камчыбек Ташиев, ички иштер министринин милдетин аткаруучу Улан Ниязбеков, Улуттук банктын башчысы Толкунбек Абдыгулов катышты.
