"Уят". Мурдагы президент Алмазбек Атамбаев бүгүн да сот залынан чыгарылды (видео)
Бишкектин Биринчи Май райондук сотунда экс-президент Алмазбек Атамбаевге козголгон эки кылмыш иши боюнча соттук териштирүү уланууда. Ага саясатчы жеткирилди. "Бул сот мага кысым көрсөтүп жатат. Соттук процессти менсиз өткөргүлө", - деди мурдагы өлкө башчысы. Андан кийин Атамбаевдин сот залына келген тарапташтары "позор" деп кыйкыра башташты. Экс-президент судья сүйлөп жаткан учурда айнек тосмону дагы тепкилеп, сот залынан чыгарылды.
Ал Калыс-Ордо конушундагы мектеп курууда кызматтык абалынан кыянаттык менен пайдаланган жана түрк жарандарына мыйзамсыз паспорт берген деп айыпталууда.
